من ایرانی هستم. زبان رسمی کشورم طبق قانون‌اساسی فارسی بوده و در ضمن معتقد به یکپارچگی و تمامیت ارضی ایران می باشم. آرزوی من داشتن ایرانی آباد و آزاد است. دوست دارم همه هموطنانم با صلح و آرامش در کنار یکدیگر زندگی کنند.
ایلاهی! (زلیم خان)
بیر میللت دیر، بیر تورپاق دیر، بیر وطن
اوتای نه دیر، بو تای نه دیر، ایلاهی؟!
هر طرفه پای وئریبلر حسرتی
او پای نه دیر، بو پای نه دیر، ایلاهی؟!
عئینی باغدیر، عئینی باغچا، عئینی بار
عئینی سازدیر، عئینی کامان، عئینی تار
اورتالیقدا دمیر حاسار، لای دیوار
او لای نه دیر، بو لای نه دیر، ایلاهی؟!
اوستوموزدن آجی یئل کیم، اسن کیم؟
کسیلن بیز، کسدیرن کیم، کسن کیم؟
آمان قارداش دء من کیمم، دء سن کیم؟
او های نه دیر، بو های نه دیر، ایلاهی؟!
میلله ته باخ دمیر توردان بویلانیر
دیری ائودن، اؤلو گوردان بویلانیر
یئتدی بوردان، یئتمیش اوردان بویلانیر
او سای نه دیر، بو سای نه دیر، ایلاهی؟!
هانسی باشدیر، هانسی بدن، بیلینمز
پارالانسا وارمی وطن، بیلینمز
اوردا اؤلن، بوردا ایتن، بیلینمز
او وای نه دیر، بو وای نه دیر، ایلاهی؟!
بای اولماسین، قاری دوشمان بای اولدو
چوخ عؤمورلر نیسگیللره پای اولدو
ایکی یاندا گؤز یاشیمیز چای اولدو
او چای نه دیر، بو چای نه دیر ایلاهی؟!
بو صؤحبتی اورتالیغا کیم سالیب؟
بو حسرتی اورتالیغا کیم سالیب؟
اوتای نه دیر، بو تای نه دیر، ایلاهی؟!
او درد نه دیر، بو وای نه دیر، ایلاهی؟!
(زلیم خان یعقوب- تبریز،ایول1993)
گلسین، گلمه سین؟
صبا مندن سؤیله اول گول عوذاره
بولبول گولوستانه گلسین، گلمه سین؟
بو هیجران دوشگونو، ایللر خسته سی
قاپونا درمانه گلسین، گلمه سین؟
من قوربانی اولوم عنبر تئللرین
قونچه دوداغلارین، پوسته دیللرین
اول لاله روخسارین، میشگین خاللارین
اودونا پروانه گلسین، گلمه سین؟
گؤزوم چوخ حسرت دیر خومار گؤزونه
گونش جمالینا، شکر سؤزونه
اوتانیرام، نئجه دئییم اؤزونه
دردیم خسته جانه گلسین، گلمه سین؟
«نباتی» ایسته مز سنسیز دونیانی
عیززتی، حؤرمه تی، شؤوکتی، شانی
بیر زاده قالماییب داها گومانی
بو باش اومئیدانه گلسین، گلمه سین؟
حکیم نباتی
گؤزلرین
چکیر وارلیغیمی دارا گؤزلری
آپاریر روحومو هارا گؤزلرین
قارا بیر محبس دیر قارا گؤزلرین
بوراخ گؤزلرینین حبسیندن منی
...
یاندیریب یاخماقدا اؤد قودرتی وار،
تکجه من بیلیرم نه حیددتی وار،
، آخی جزانین دا بیر مدتی وار،
بوراخ گؤزلرینین حبسیندن منی.
...
قالدیم جاذیبه نده بیهوش کیمی یم
مرحمت گؤزله ین باخیش کیمی یم
قفسه سالینمیش بیر قوش کیمی یم
بوراخ گؤزلرینین حبسیندن منی
...
گونوم ائله سندن شیکایت اؤلوب،
بو سئوگی بیر داستان ،حئکایت اؤلوب
محبت نه واخت دان جینایت اؤلوب
بوراخ گؤزلرینین حبسیندن منی
...
زیندانا کؤنوللو سالدیم اؤزومی
عیبی یوخ، پاییزا دؤندریازیمی
من گوناه ایشله دیم آرتیر جزامی
ساخلا گوزلرینین حبسینده منی
نصرت کسمنلی
سنی اونوتسام... من سنی اونودا بیلمیرم، آخی اونوتسام نه لری اونودام گرک گؤیلره باخمیشیق آیلی گئجه ده اونوتسام گؤیلری اونودام گرک! دنیزی اونودوم، یا دالغالاری خاطیرن یادیمدان چیخایدی باری پاییزدا خزانی، قیشداسا قاری باهاردا گوللری اونودام گرک! دئ نئجه اونودوم من سنی نئجه؟ سئوگی دورنا دئییل پاییزدا کؤچه یوخوما گلیرسن منیم هر گئجه آیلاری، ایللری اونودام گرک! سنین خیالیندیر هسرتله باخان آدیندیر هر ساعات قارشیما چیخان قاریشیب شکلینه گؤزومدن آخان یاغیشی، سئللری اونودام گرک! سینمده پشیمان اورگیم قالدی اوچدون اللریمده لعلگیم قالدی نه لری ایتیریب، باخ نییم قالدی نه لری، نه لری اونودام گرک! نصرت کسمنلی
دلی بیر آغلاماق کئچیر کؤنلومدن
کؤنلونه دیدیگیم، اینجیتدیگیم قیز
ووقار کؤلگه سینده یاتدیغیم بسدیر
اودلو یاناغیندان سو ایچدیگیم قیز
بو قدر گوناها باتدیغیم بسدیر
داها دوداقلارین تیترمه سین قوی
من سنین قارشیندا تیترگیم، اسیم
سندن دونیالاری ایسته‌میرم یوخ
منی باغیشلاسان بسیمدیر بسیم
جان دئسن آلیشیب یانا بیله‌رم
دؤن دئسن یئریمده دونا بیله‌رم
ایندی بیلمیشم کی عؤمور-گون گئدیر
ان گؤزل حیسلریم کؤچور کؤنلومدن
قاییت! سن عؤمرومه تزه لیک گتیر
دلی بیر آغلاماق کئچیر کؤنلومدن...
نصرت کسمنلی
بونو هامی بیلیر
سن ده بیلیرسن؟
نیفرتین سون حدی محبت دوغار
کیمسه ائشیتمه سین،بیلمه سین بونو
ایچیمده بیر زمی نفرت اکیبسن
شاه عاباسین آنا دیلینده بیر شعر
دلبر سنین له می لر ایچه لیم
بو دونیا کیمسه یه قالماز افندیم
بوفانی دونیا لذت چئکه لیم
بو دونیا کیمسه یه قالماز افندیم
دونیانین بیر آدی فانی دیر ،فانی
بئش گون قوناق ساخلار اینسانی
تختیندن ائندیرمیش چوخ سلیمانی
بو دونیا کیمسه یه قالماز افندیم
دونیانین بیر آدی قورو قفس دیر
اونا کؤنول باغلاماق تامام عبث دیر
بو سؤزو سؤیله ین شاه عاباس دیر
بو دونیا کیمسه یه قالماز افندیم.
..... سید حیدر بیات
تاپدانمیش یوللاردان آجیغیم گلیر
اونلارین آخیری سنه یئتیشمیر
نه قدر دؤیورم من بو یوللاری
گون گله اوزانیر
بیر یئره بیتمیر
بیر یول آختاریرام سنه یئتیشسین
دره اولور اولسون
داغ اولور اولسون
آنجاق چوخ آزمیشام هاراییما چات
بیر یول گؤستر
منی
سنه یئتیرسین.
آذربایجان سر ایران است. به گواهی تاریخ هیچ منطقه‌ای در ایران به اندازه آذربایجان دستخوش حوادث و رویدادهای تلخ و شیرین نشده است. آذربایجان در شمال‌غربی ایران واقع شده. منطقه‌ای که از قدیم‌الایام همسایگی با امپراطوری‌های بزرگ را تحمل کرده و جانانه از ایران دفاع کرده. رومیان‌باستان، یونانی‌ها، عثمانی‌ها و تزارهای روس سالها مردم این خطه را به خاک و خون کشیده‌اند. اما این مردم چون دژی مستحکم دروازه‌های ورود دشمن به ایران را بسته نگاه‌داشتند. جنگ تحملی هم آزمون دیگری بود برای ما که همسایه صدام بودیم و هر وقت دلش می‌خواست با هواپیمایش بمبی بر سرمان می‌انداخت و می‌رفت. (اینها را گفتم برای آنها که می‌پندارند ما خود را ایرانی نمی‌دانیم)
