نه ائدیم بیر داها یوخسان یانیمدا
خاطیره قاطاری آپاردی سنی ...
دالینجا ها قاچدیم چاتا بیلمه دیم
کولک لر یانیندان قوپارتدی منی ...
ایندی کی گئدیبسن نه دئییم آخی ؟
بیر دوداق گولوشه حسرت قالمیشام
گئجه لر ـ گوندوزلر غریب دیر منه
تک سنین رویانا شیرین دالمیشام ...
بیر آنلیق گؤزومه توخون نه اولار
قوی هله یاشاسین دلی اوره ییم
باهاردیر ، باهاردیر ، خزان دئییل کی
هله آچیلمامیش سولا چیچه ییم ...
هنگامی دستم را دراز کردم که دستی نبود
هنگامی لب به زمزمه گشودم که مخاطبی نداشتم
و هنگامی تشنه اتش شدم،
که در برابر دریا بودم و دریا و دریا...!
-
بیر یالقیز کیشی
یالقیز اَیلـَشمیش
کدرلی یورقون
یاناغی یاشارمیش گؤز یاشلارین‌نان
سوروشدوم نییه؟
لال باخدی منه
دینمَز، سؤیلَمَز
یئنه‌ده سوردوم، دئ گؤروروم نییه؟
یئنه لال گؤزلرین تیکدی گؤزومه
دینمَز، سؤیلَمَز
سونرا دوروب گئتدی
یالنیز اؤز سکوتون یئرینده قویدو.
قالــدیم داشــا دؤنــدوم اوره یــی داشـــــلار الیـــندن
میــن اوزلــو ? اوگــئی ? ماسکالی قارداشلار الیـــندن
قیبلم ده دؤنوب دور ? اوره یـــین ? قلــبی چیــخاندان
دؤنـــده ر مه لی یم اوز ? بو قـــارا داشــــلار الینـــدن
سئـــوگی دئدیییم یولداشیــمیندا ? پیــسی چـیخدی
کیـــمدن دانیشیم ؟! کیـــملره یولداشـلار الینــــدن ؟!
هاردا او ایگـــید لیک ؟! نه اولوب دور ؟ سارامــیز تک ـ
ـ اؤلـــدوردو اؤزون ! اولمـــایــــا عیاشــــلار الینـــدن ؟!
???
آیـــدیـــن دی گلیـــب دیــز چؤکوره ر بیز لره شـــیطان
گؤرســـه بو قده ر آزمــــاغی چاش باش لار الیـــندن .
سن کیمین گوز یاشیسان؟
بوش چیخان اومیدلره
یوماغا چالیشیرسان؟؟
کیم آسدی سئوگینی دارا؟
آیاقلادی اوریینی،
حسرت قویدو یاری یارا.
یوخولاریمی قایتار
شعرلر‌یمی یاندیر
داریخمالار کولومو یئله وئر
آنجاق اوره ییمی ...
یوخ
قایتارما ایستهمیرم .
گؤزلریم تیکیلیب، سنسیز یوللارا
گلمه سن نه فایدا؟ گلسن نه فایدا؟
سئوگییله یاناشی، آچیق کؤنلومه
دولماسان نه فایدا؟ دولسان نه فایدا؟
****
دویغولوآنیمدیر دوی فریادیمی
غزل مصراسیندا،سئوگی دادیمی
اورکدن یادیمی ،دیلدن آدیمی
سیلمه سن نه فایدا؟ سیلسن نه فایدا؟
****
ان ظریف تئلم سه ، سازدا پاسلانیم
آغ بولودنغمه ن ده چیمیب ایسلانیم
بوینونا هؤرولوب،داردان آسلانیم
چالماسان نه فایدا؟چالسان نه فایدا؟
****
اؤلومدن سؤز آچیب دیندیرمه منی
اودلو ناله لریم بورویر سنی
فلک ده بویوما توتسا کفنی
سالماسان نه فایدا؟ سالسان نه فایدا؟
****
آیریلیق خزری سی سولدورور منی
(خزر)ین سولماسین گوللو چمنی
قارتالین قایادیر یوردو،مسکنی
بیلمه سن نه فایدا؟ بیلسن نه فایدا؟
باغلاما میخانه نی
باده وئر قوی قالدیریم انسانلیغین معناسینا
ساقیا دولدور ایچیم بو ساغلیغا پیمانه نی
ذوقو یوخدور شاهلارین بزمینده شمع اولماقلیغین
خوش او شمعین حالینا ائتسین ایشیق ویرانه نی
نازلی معشوقه اودور کی عاشقه ناز ائیله سین
شمع رخساری ایله آنجاق یاخماسین پروانه نی
باش فدادیر اؤلکه مه جانیم دا قوربان خلقیمه
قویمارام یوردوم دا گزسین هئچ زامان بیگانه نی
جان فدالیک ائیله دیم جانان یولوندا عاقبت
آمما گوردوم چوخ وفاسیز دلبر جانانه نی
دومانلی داغلار گویلوم
نیسگیللی باغلار گویلوم
نه آچیلار ،نه گولر
همشه آغلار گویلوم
