دلی بیر آغلاماق کئچیر کؤنلومدن
کؤنلونه دیدیگیم، اینجیتدیگیم قیز
ووقار کؤلگه سینده یاتدیغیم بسدیر
اودلو یاناغیندان سو ایچدیگیم قیز
بو قدر گوناها باتدیغیم بسدیر
داها دوداقلارین تیترمه سین قوی
من سنین قارشیندا تیترگیم، اسیم
سندن دونیالاری ایستهمیرم یوخ
منی باغیشلاسان بسیمدیر بسیم
جان دئسن آلیشیب یانا بیلهرم
دؤن دئسن یئریمده دونا بیلهرم
ایندی بیلمیشم کی عؤمور-گون گئدیر
ان گؤزل حیسلریم کؤچور کؤنلومدن
قاییت! سن عؤمرومه تزه لیک گتیر
دلی بیر آغلاماق کئچیر کؤنلومدن...
نصرت کسمنلی
تاریخ : | 12:24 عصر | نویسنده : جانم فدای رهبر | نظر