ای دل، آماندی، سیررینی بیگانه بیلمه سین !
آهسته زلف یاریده یات، شانه بیلمه سین !
دوشدون خیال دان? خال اشتیاقینه،
ای مرغ رفع، تیزپر اول، دانه بیلمه سین !
ای یار، جان فدای قدوم مبارکین،
آهسته قیل خرام کی، همخانه بیلمه سین !
غیرت هلاک ائده ر منی، آچما جمالینی،
گؤسترمه شمعه رویینی، پروانه بیلمه سین !
بیر لحظه بزم یارده دلشادم، ای کؤنول،
آرام دوت، بو مطلبی بیگانه بیلمه سین !
ای آه سرد، اورما نفس زلف یاره سن،
بیر دم قرار دوت، دل دیوانه بیلمه سین !
زاهید ائدیرسه عشقده تکفیر صــابری،
ظاهیر گؤزیله کعبه نی بتخانه بیلمه سین
مخاطبین عزیز خواهشمند است جهت پاسخدهی به پیام های خصوصی ، پیامهای خصوصیتان را به ایمیل من ارسال نمایید.
siamak2012@gmx.com
تاریخ : | 11:10 صبح | نویسنده : جانم فدای رهبر | نظر
