« مان » سون سؤزجویو تورک دیلینده

« مان» سوزجویو آدلارین سونونا یاپیشندا اونو ایکی قات گوجلندیریر، اوجالدیر و یئکلدیر.

درمان: (در+ مان) درماق کؤکوندن، او اوتلار کی دردی کؤکوندن قوپاردیرلار.

قهرمان= قارامان: (قارا+ مان) قارانین بیر آنلامی یئکه دیر.  1-بؤیوک کیشی، قهرمان 2- قارا گئین، قارا کیمی 3-  قدیم آنادولودا قارامان ائلی(اوغلان آدی)

اَرمان= آرمان: (آر+ مان) بؤیوک آرزی، بؤیوک ایستک، آر= اَر= یئکه (اوغلان آدی)

آریمان: (آری+ مان) تمیز اینسان، آری= تمیز (اوغلان آدی)

آسمان: (آس+ مان) اوجا یئر، آس= آذربایجاندا بؤیوک بیر ائلین آدی، آسیا سؤزجوکوده بو آددان گؤتورولوب، اوجالیقلاردا یاشایان بیر ائل.

قوجامان: (قوجا+ مان) بیلیجی قوجا، آدلیم

ائلمان: (ائل+ مان) ائلین کیشیسی، ائلین سیمگه سی، (اوغلان آدی)

ایلیمان: (ایلی= ایلیق+ مان) نه ایسسی نه سویوق، ایلیق، اورتا، (اوغلان آدی)

آلپ مان: (آلپ+ مان) قهرمان، آلپ= سردار، (اوغلان آدی)

دودمان= دودومان= دوغدومان: (دوغدو+ مان) دوغولوب تؤره ین یئر و اؤروش.

اورمان: (اور+ مان) آغاجلیق بیر یئر، مئشه، اور=اورو= هؤرو یا هؤروک= بیر بیرینه گئییشمیش اوتلار یا آغاجلار یا توکلر، (اوغلان آدی)

خرمن= خیرمان: (خیر+ مان) بیر یئره توپلانمیش تاخیل یا بیر یئره توپلانمیش یئمیشلر، خیر= بوستانین یئمیشی یا تاخیل(آرپا، بوغدا، ...).

آیمان: (آی+ مان) آی کیمی، آیاتای، (قیز آدی)

بَهمن= بَهمان= بَی مان: (بَی + مان) بَی کیمی، (اوغلان آدی)

سازمان: (ساز+ مان) اؤلچولو و قایدالی، ساز= یاخجی یا دوزوملو یا چاتیشمازلیغی اولمایان بیر زاد یا تؤک- داغیت اولمایان بیر یئر.

دوشمن= دوشمان= دؤیوشمان: ( دؤیوش+ مان) دؤیوش= ساواش

دیلمان= دیلمانج: (دیل+ مان) چئویرمن، (اوغلان آدی)

نرمان= نریمان: (نر+ مان) قهرمان، ارسلان، نر= ائرکک، (اوغلان آدی)

نایمان: (نای+ مان) 1-کوکلو 2-اؤزونه اینانان 3-سکگیز 4-موغولستاندا تورک بیر ائلین آدی دیر کی نایمان خانلیقلارین دولاندیریرلاردی.

نریشمان: (نریش+ مان) قورخمایان آدام، نریش= نر کیمی، (اوغلان آدی)

نورمان: (نور+مان) نوردان دوغولان، نور کیمی، نورلو آدام (قیز آدی)

آتامان: (آتا=مان) سالار، امیر،(اوغلان آدی)

آتایمان: (آتای+ مان) آدلیم، آتای= آدلی،(اوغلان آدی)

آذمان: (آذ+ مان) بؤیوک اینسان(آذربایجان ائلینین بؤیوک کیشیلری)، آذ= یئکه، مان= انسان، (اوغلان آدی)

باتمان: (بات+ مان) آغیر، بات= باتان، (اوغلان آدی)

باشمان: (باش+ مان) بؤیوک، باشچی(اوغلان آدی)

دانیشمان: (دانیش+ مان) دانیشان، یول گؤسترن، (اوغلان آدی)

قوتمان: (قوت+ مان)  اوغورلو، (اوغلان آدی)

کوتمان: (کوت+ مان) اوغورلو، (اوغلان آدی)

مارلمان= مارالمان: ( مارال+ مان) مارال کیمی گؤزل( قیز آدی)

شالمان: ( شال+ مان) یئکه، باشچی( قیز ادی)

داغمان= تاغمان: (داغ+ مان) داغ کیمی (اوغلان آدی)

توپلایان: رضا دهقان(چنگی)