چرکین گوروب قارانلیغی،آغلیغدان اونموشام

ایتگین گونش یاسیندا چیراغلیغدان اونموشام

کونلومـده بیر عـومـوردی اولـوم آت یـَهـَر لییر

یادان چیخان مزار کیمی ساغلیغدان اونموشام

کوت بالتا تک دیشیم دیشیمی سیغنالاشدیرر

زنگان داشیر گوزومده،پیچاغلیغدان اونموشام

واقسیز خزانـلار ائیل کیمی تئز تئز واراقلانیر

دهشتلی بیر اولوم کیمی وارلیغدان اونموشام

هـوکـولـلـیـر گــوزومــده قَـهـَر ایـلـدیـرمــلاری

داغلار دوشونده یاسلی بولاغلیغدان اونموشام

مین بیر قـارین دوغـور گئجه گونـدوز قـارالتیلار

کـور داغمالار گوزونده اوتاغلیغدان اونموشام

چکنیمده ن آرزیلار قوشو قات قات اوزاغلاشیر

شلتاق بیلیر نَـقَـدری اوشاغلیغدان اونموشام

علی سعادتخانی