او لحظه دن کی گتوردی خدا جهانه منی
بابام علی ایلیوب نوکر آستانه منی
اگر چی عومروده چوخ گورموشم چتین گونلر
بو گون کی تک غمه سالموبدی هئچ زمانه منی
اوزوم سوسوز بالالار آغلاشولا حسرتیله
فغان و ناله خیمده گتوردی جانه منی
آقام بویوردی منه گئت گئدنمرم چونکی
بابام وئروب اوزی نوکر بو آستانه منی
اجازه آلدوم امیریم حسیندن گلدیم
تدارک ائتماقا سو ایلدی روانه منی
آدیمدی باب الحوائج قاپومدا واردی اومید
ولیک غصه و محنت ایدوبدی چانه منی
خدنگ محنت ایدوب دوره دن نشانه منی
جدال حقیله با طل سویی خجالت ائدوب
ائدوبدی دشمن دین گوئیا بهانه منی
عجب زماندا گوزوم قانیله منیم دولدی
یارالی پیکریم اوخشاتدی گلستانه منی
نقدر سو واریدی دیلده چوخ هوس واریدی
دگوبدی اوخ سو جالاندی چکوبدی قانه منی
سو گولدی اوجوما دولجاق که بلکه منده گولم
چتین زاماندا سالوب موشکل امتحانه منی
خدایه شوکر اولا من یاخشی امتحان وئردیم
سالانمادی هوسیم آیری بیر گمانه منی
امان او اوخ کی دلوب مشکی توکدی صحرایه
اوتانماقین غمی دوندردی بیر کمانه منی
سویوم جالاندی سوسوزلار هله گوزتلولر
چوخاتدی خجلتیمی قویدی یانه یانه منی
باشیمدا گئتسه اگر عشق اورکدن ایریلماز
نوکر ویروبدی بابام سرور جنانه منی
بو کربلا چولونون آیری بیر طراوتی وار
چکوب گتوردی فلک سویملی مکانه منی
کسوب قباقیمی بیر فرصت آختاران نامرد
جسارت ایلدی یاندیردی بیر بیانه منی
دئدیم فراته طرف یول سالاندا هاردیدون
ویروبدی دیل یاراسی دوندروبدی قانه منی
قولوم کی دوشدی یولومدا کسیلدی قانیله
فلک ایدوب نشانه تیغییله سنانه منی
دمیر عمودیله السیز باشین نه نسبتی وار
گوزومده گورمدی چکسون اقلی یانه منی
سسون ایشدیم حسینون آناسینون افسوس
آنا مصیبتی سالدی غم گرانه منی
اگر چی من کیچیگم لطف ایدوب آنام زهرا س
اوغول ادیلا خطا ایتدی آسمانه منی
آنام بویوردی که سسله حسین قارداشووی
اوجاتدی شانیمی یول ویردی دودمانه منی
حسینی قارداش آدیله دیلیم دوتار دوتماز
چاغیرموشام ایلیه جنته روانه منی
