اوُیما هر زولفو قارا، سئوگیلی جـانـانـه، کـونـول
بـو وفـاسیـزلـر ائـدرلـر سنـی دیـوانـه، کـونــول
ممکن اودوقجا چالیش، یانمایاسان عشق اودونا
شمع دن گورنه چکیر هر گئجـه پـروانـه، کـونـول
سـن هلـه عشـق کمنـدینـده اسیـر اولمـامیســان
اوُیما مجنون کیمی هر زولفِ پریشـانـه، کـونـول
گولده اولسایدی وفا، خار ایله یـار اولمـازایـدی
بولبولون آهی یاییلمازدی گولـوستـانـه، کـونـول
آشنـا اولمـاق عبـث دیـر بــو پــری چهــره لــره
یئنه بیر گون اولاجـاقـلار سنـه بیگـانـه، کـونـول
سئودیگین اولسا زولیخایِ زمان، سـن یـوسیـف
مکر ائدیب سالدیراجاقدیر سنی زندانه، کونـول
واحدین عومرو بوتون نازلی گوزه للـرلـه کئچیـب
بو حقیقت سوزو ظـن ائیلـه مـه افسـانـه، کـونـول
تاریخ : | 7:12 عصر | نویسنده : جانم فدای رهبر | نظر
