سفارش تبلیغ
صبا ویژن

شاه ایسماعیل ختایى: ایلقیت ایلقیت اسن یئل حاجى بکتاش!!!

گئجه گوندوز خیالینا یانارام
بیر گئجه رؤیاما گیر حاجى بکتاش!
گوناهکارام  گوناهیمدان بئزارام
اؤزوم دارا چکدیم  سور حاجى بکتاش!

یاندى بو غریب قول نه دیر چاراسى؟
یینه تازالاندى اوره ک یاراسى
اونولماز دردلره درمان اولاسى
بو سنین بدنین  سار حاجى بکتاش!

دردیمین درمانى  یارامین اوجو
دؤرد گوروه مووجوددور گوروه-ى ناجى
بئلینده کمرى  باشیندا تاجى
اوزونده باخیر نور  حاجى بکتاش!

صادیقلارین صیدقى  عاشیغین رنجى
پیرلرین پیرىسن  گنجلرین گنجى
هم دریا  هم صدف  هم دورر  هم اینجى
هم عوممان  هم ایرماق  گؤل حاجى بکتاش! 

گاهى بولود اولوب گؤیه آغارسان
گاهى یاغمیر اولوب یئره یاغارسان
آى مىسان  گون مو سن  قاندان دوغارسان؟
ایلقیت ایلقیت اسن یئل حاجى بکتاش!

آرىنین یاپدیغى بالا بنزرسن
شو غوربت ائللرده کؤنلوم اگله رسن
بند ائدیب ده  ایقرارینا باغلارسان
ساییلین ساتدیغى قول  حاجى بکتاش!

دردیمند ختایى  ائیلر نییازى
اولو پیر  قاتاردان آییرما بیزى!
بو محشر گونودور  ایسته ریز سیزى
محمد اؤنونده جار  حاجى بکتاش!

شاه ایسماعیل ختایى





تاریخ : | 11:13 صبح | نویسنده : جانم فدای رهبر | نظر