یاشاییشی بـولـود تکین آغـــــــلادیـــــق
سن کامانـی ، منسه ، تاری سیزلادیم
داغــلار ائتـــدی پرهن ـ پرهن اویخـومـو
آرتیـق دوروب گئجه یاری سیـزلادیــم
گاه دومانا ، گاهدان چنه بورونـــدوم
عؤمرومو من یئریمهدیم ، سوروندوم
یار گـؤزونه بیلمم نئجه گــؤرونـــدوم
منصور کیمی آنجاق داری سیزلادیم
دؤنــدو قیشا گول چیچکلـی یازیمیز
شه نلیکلــرده چالینمادی سازیمیز
گـــؤرنئجه بیر اورتاق اولـدو یازیمیز
سن گولو ، من گلعزاری سیزلادیم
آیریلالــــــــــی او ، دوغماجا ائللـــــــردن
قاداخلانــــــــدیق آیاغلاردان ؛ اللــــــردن
ائه ، نه چکدیک بـو ، اوغـورسوز ایللـردن
سن اینله دین ، منسه ، زاری سیزلادیـم
بیز داغلارا ، " داغلار" بیــــزه وورولــدو
حاق سؤز دئدیک ، تهمت اوزه وورولدو
گـولمه ییمیز یامان گـــؤزه وورولــــدو
سن تـوتقـونـو ، من یاناری سیزلادیـم
آرزیلادیــــــــق آنجاق داغدا اؤلمهیی
ایسینمهدی آرزیــــــــلارین چؤلمهیی
دویـونلهنیب غمین بیــــــــزه ایلمهیی
سن یاتاغـی ، من مـــزاری سیزلادیم